Se algunha familia ten interese en ter nun USB as fotos do curso, pode traer un e Anlle pasaralle as fotos.

Se algunha familia ten interese en ter nun USB as fotos do curso, pode traer un, e Anlle pasaralle as fotos. Outra maneira é que unha nai colla as fotos e as pase a quen as queira. Tamén pódense descargar do blog.
  Para calquera dúbida, estaremos polas mañás este  mes no colexio.
Grazas a todos pola vosa colaboración.


Unha aperta moi forte e un "aquí quedamos para todo" a Cristina e Adrián.


Os nenos e as titoras despedíronos  con total cariño polo esforzo e dedicación con que apoiaron aos dous niveis. 
Adrián, fíxonos os Selfis cun trípode e unha cámara diminuta que foi a sorpresa do día.








E NÓS QUE PINTAMOS AQUÍ? - Proxecto pintura 2015 - 2016 - MURAL

 Os días 6 e 7 de xuño do 2016, tivemos unha visita moi especial: o artista, Eduardo Hermida, estivo cos nenos de E. Infantil, 1º e 2º de Primaria realizando un taller de pintura, como fin do proxecto: " E nós que pintamos aquí "Todos os nenos gozaron coa pintura, decorando os muros do centro, grazas á colaboración do CFR, Concello, Centro e mestres do colexio, porque coa súa axuda  puidose levar a cabo este proxecto.  Mención especial merece a colaboración e traballo   de Eduardo Hermida, polo que lle queremos dar as grazas pola súa especial dedicación.








PINTAR NO MURO: AS FLORES.

Como remate final do proxecto de pintura: E nós que pintamos aquí? mañá teremos o primeiro contacto co pintor  que leva o proxecto en E. Infantil, para realizar o noso mural na parede do patio. Cada dous cursos teñen o seu recuncho pintado en branco.
 O tema serán as flores e cada Ciclo creará a súa propia obra. A idea do motivo das flores é por estar o colexio ubicado no Barrrio das Flores.
 Os nenos na clase crearon uns bocetos para comezar a practicar e sacar o modelo. 
  Aquí vos presentamos o que en principio queremos facer, aínda que pode ter modificacións sobre a marcha. Creatividade nos lles falta! Esperamos vos guste e nos quede vistoso!
Traede mañá roupa que non importe tanto que se deteriore e unha visera. Grazas!